Венесуэлада яшәүче 34 яшьлек Фройланис Ривасны гаиләсе белән Картахена пляжында ял иткәндә яшен сугып үтергән. Бу хакта www.mentoday.ru сайты яза.
Пляжда булган кешеләр аңа ярдәм итәргә тырышып карый һәм фаҗига булган урынга экстрен хезмәт эшчеләрен чакырталар. Табиблар аны хастаханәгә алып китә, анда зыян күргән хатынга реанимация ясыйлар. Кызганыч, 45 минут дәвамында ярдәм күрсәтсәләр дә, Фройланис вафат булган.
Бу фаҗига пляждагы камерага да эләккән. Социаль челтәрләрдә таралган роликта күренгәнчә, пляжда ял итүчеләрне яшен сукканы күренә. Шунда янәшәдән бер ир-ат үтеп бара, яшен сукканнан соң комга егыла, аягына баса һәм берничә метр йөгереп бара, шуннан соң гына фаҗига булган урынга борылып карый.
Daily Mail мәгълүматларына караганда, Фройланис Ривасның 2 баласы калган.
