Пластик шешәдәге су нәрсәсе белән куркыныч?
Диетолог һәр кешегә көнгә икешәр литр су эчәргә кирәк дигән фикернең искерүен әйтте.
Табиб-диетолог Анжелика Дюваль пластик шешәләрдән су эчмәскә киңәш итте. Бу хакта РИА Новости яза.
«Су тутырылган шешәләр ел дәвамында киштәләрдә тора. Алар кояш нурларының йогынтысына дучар ителә. Пластик шешәдә сакланган су еш кына сәламәтләндерү үзлегенә ия түгел», — дип белдерде ул.
Моның урынына диетолог краннан ага торган фильтрланган су эчәргә киңәш итте.
Дюваль шулай ук һәр кешегә көнгә икешәр литр су эчәргә кирәк дигән фикернең искерүен әйтте. Көндәлек күләмне индивидуаль санап чыгарырга кирәк — бер килограмм авырлыкка 30 миллилитр су эчәргә кирәк, ди ул. Суны акрын гына, бер эчкәндә бер стаканнан да арттырмыйча эчәргә киңәш ителә.