Кичә Питрәч районының Пановка авылы янында 3 машина бәрелешкән. Биредә 2 хатын-кыз һәлак булган, тагын 6 кеше имгәнгән. Бу турыда Татарстан прокуратурасына сылтама белән «Татар-информ» хәбәр итте.
Прокуратура белешмәсе буенча, Kia Rio машинасы каршы як полосага чыга һәм 14 нче модельле «Лада»га бәрелә. Аннары «Лада» үзе белән бер якка бара торган Daewoo машинасына килеп керә.
«Лада» машинасындагы 2 пассажир да үлә. 6 кешене хастаханәгә китерәләр.
