Пикниктан кайтып килүче ун кеше, шул исәптән сигез бала батып үлгән
Егерме кеше сыйдырышлы көймәдә 55 кеше була.
Һиндстанда Маханди елгасында көймә капланып, ун кеше, шул исәптә сигез бала батып үлгән. Бу турыда Hindu басмасына сылтама белән РИА Новости хәбәр итте.
Газета мәгълүматлары буенча, егерме кеше утырырга тиешле көймәдә 55 кеше була. Алар Хукитола утравына пикникка бара. Тагын өч хатын көймәгә утырырга маташканда, көймә каплана. Алар барысы да бер яктан ябышып, көймәгә менмәкче була.
Батып баручылар тавышына кешеләр җыелган. Алар көймәдәгеләргә ярдәм иткән, мәетләрне судан алышкан.
«Урман департаменты хезмәткәрләре, полиция һәм шаһит булган кешеләр тугыз мәетне судан алды», — дип сөйләгән җирле хакимият вәкиле Дазарати Сатпати. Түрә алты яшьлек кыз мәетен тиздән судан чыгарачакларын да әйткән.
Фаҗига булган штатның баш министры Навин Патнаик кайгы уртаклашкан һәм һәлак булучыларның туганнарына алты мең доллар чамасы ярдәм биреләчәген әйткән. Зыян күрүчеләрне түләүсез дәвалаячаклар, диелгән әлеге хәбәрдә.