Азнакайның Мәндәй авылында яшәүче блогер Мәрьям Миңнеголова социаль челтәрдәге сәхифәсендә петуния чәчәген утырту барышын видеога төшергән. Бу эш белән аның ире шөгыльләнә. Ире утырткан һәр нәрсә тишелеп чыгачагы турында да искәртә ул.
Блогерның ире Фәрит абый туфрак өстенә кар салган һәм анда, берәмтекләп, петуния чәчәге орлыгын тезеп бара. Бу очракта чәчәк куе итеп тишелми, шулай ук, икенче савытка күчереп утыртасы булмагач, үсенте «стресс» та кичерми, ә үсүен дәвам итә.