Санкт-Петербургның Красногвардейский районындагы йортларга пилотсыз очкычлар һөҗүм иткән, дип яза РИА Новости.
Губернатор Александр Беглов әйтүенчә, 2 балконга зыян килгән. Корбаннар юк.
«6.45-6.50 тирәсендә каты итеп шартлаган тавыш ишетелде. Башта заправка шартлаган дип уйладым, аннары газдыр дип. Пилотсыз очкыч булып чыкты. Аннары реанимация машиналары килеп җитте», – дип сөйләгән шушы йортта яшәгән Элеонора Демидова.
Шартлаудан соң 6 кеше табибларга мөрәҗәгать иткән. 92 яшьлек әбине хастаханәгә салганнар – ул яраланмаган, әмма курку сәбәпле, хәле авырайган.