Россия президентының матбугат секретаре Дмитрий Песков, Чукотка башкаласында журналистлар белән очрашканда, махсус операция темасына сөйләгән.
«Ниндидер тынычлык процесслары буенча – элеккечә бушлык», – дигән Песков. Ул Украина президенты Зеленский тәкъдим иткән «Тынычлык формуласы» буенча «катлаулы аңлатыла торган процесслар» баруын әйткән. Россияне бу сөйләшүләрдә катнаштырмауны ул шулай аңлата.
«Бик гаҗәп процесс, әмма башка берни дә юк, ягъни бу планда бернинди җитди әйбер юк. Шуңа күрә махсус операцияне дәвам итәбез», – дигән Песков.
Зеленский 2022 елның ноябрендә «Тынычлык формуласы» тәкъдим итте. Анда Киев ягыннан бернинди адымнар да юк. Зеленский 1991 елгы чикләргә кайтуны һәм Мәскәү тарафыннан чыгымнарны каплауны сорый. Зеленский тынычлык турында сөйләшүләрдән баш тарткан карар кабул итте, һәм Украина бу темага башка илләрнең арадашчы булуыннан да баш тарта.
Песков шулай ук Путинның махсус операция турында Шойгу белән көнгә берничә тапкыр сөйләшүен әйткән.
Дмитрий Песков, Чукоткага барганнан соң, Путин бөтен Россиядә булды, дип яза. Әмма Песков ялгыша – Путинның президент яки премьер сыйфатында Ненец автоном округында булганы юк.