РФ президенты пресс-секретаре Дмитрий Песков әйтүенчә, Владимир Путин 2024 елда, 90 процент тавыш җыеп, кабат президент итеп сайланачак. Бу хакта ул The New York Times газетасына әйткән.
«Безнең президент сайлаулары – бик үк демократия түгел, ул – кыйммәтле бюрократия. Путин киләсе елда, 90 проценттан артык тавыш җыеп, кабат сайланачак», – дигән Песков.
Газета язуынча, Путинның тагы 6 елга сайлануы котылгысыз диярлек.
Үзәк сайлау комиссиясе рәисе Элла Памфилова, 2024 елгы сайлау Россиянең генә түгел, дөньяның киләчәген билгеләячәк, дигән иде. Аның фикеренчә, бу сайлау моңа кадәр булганнарына охшамаячак.
