Барлык язмалар news_header_top_970_100
news_header_bot_970_100
Язманы тыңлагыз

Песинең күзе төнлә нигә янып тора?

news_top_970_100
Песинең күзе төнлә нигә янып тора?
"Татар-информ" архивы

Песиләрнең күзләре төнлә янып торган кебек була. Моның сәбәбен фактлар сайтында язалар.

Чынлыкта песинең күзендә яктырта торган бернинди матдә дә юк. Песине тәрәзәсез һәм яктылык булмаган бүлмәгә кертсәң, аның күзләре янмый. Аның күзенең януы бары тик тышкы яктылык чыганагы булганда гына күренә. «Яктырту» сере исә песинең күзендәге юка гына кайтаргыч катламга бәйле. Песи күзенең бу үзлеге – яктылык кайтару рефлексы, нәкъ менә шул үзлек караңгыда «янып торырга» ярдәм итә.

Песинең күзенең арткы өлешендә тукымаларның үзенчәлекле катламы урнаша, ул «бөртекле катлам» яки тапетум дип атала. Күзгә яктылык төшкәндә, аны мөгез катламы һәм хрусталик «йота», һәм нурлар «бөртекле катлам»га барып җитә. Аннары бу яктылык кире кайтарыла, кабат мөгез катлау һәм хрусталик аша уза, сетчаткага килеп җиткән яктылык күләме арта. Шулай итеп, песи күзе «янып торган» кебек була.

Нәкъ менә шушы үзлек песиләргә караңгыда кешеләргә караганда яхшырак күрергә ярдәм итә, диелә хәбәрдә.

 

Комментарийлар (0)
Калган символлар:
news_right_column_1_240_400
news_right_column_2_240_400
Медиаметрикс
news_bot_970_100