Статистика буенча, хуҗабикәләрнең 53 проценты песи асрый. Популярлык буенча икенче урында этләр тора (25 процент), 15 проценты исә эт тә, песи дә асрый. Бу турыда фактлар сайтында язылган.
Песинең гомер озынлыгы геннарга һәм яшәү шартларына бәйле. Кыргый табигатьтә песиләрнең иммунитеты яхшы була, ләкин аларга авырулар, паразитлар һәм башка ерткычлар яный. Шуңа күрә кыргый табигатьтә песиләр 7-10 ел яши.
Шәһәр шартларында сукбай булып яшәүче песиләрнең хәле тагын да начаррак. Аларга азык табу җиңелрәк булса да, территориядә песиләр күп булу сәбәпле, авырулар һәм паразитлар йоктыру куркынычы арта, генетикалары да начарлана. Шәһәр тирәлегендә кыргый яшәүче песиләр уртача 4-5 ел гына тора.
Өйдә яшәүче песиләр исә озак яши. Аларга ветеринарлар ярдәм итә, тәрбия яхшы, яшәү шартлары да имин. Өй песиләре 13-15 ел тора. 20 яшькә кадәр җитүчеләре дә була. Крим Пафф исемле песинең 38 яшьтә, Гранпа Рекс Аллен исемле песинең 34 яшьтә үлүе теркәлгән, диелә хәбәрдә.