Һәр хуҗабикәнең бер тапкыр булса да ашарга пешергәндә күп итеп тоз «тондырганы» бардыр. Инде тоз күп салдым дип, ризыкны ыргытырга ашыкмагыз. «МИР» телеканалында шул хакта киңәшләр чыкты.
Бик күп тоз салынган сыек ризыкка 2-4 кашык су салып, кайнатып чыгарыгыз. Шуннан соң да тоз бик каты тоелса, процедураны кабатларга була.
Макарон, яшелчә яки җиләк-җимешкә күп тоз «төшеп китсә», аларны суда чайкарга була.
Ит яки балыкны тоздан «коткару» өчен, бераз лимон кислотасы, аш серкәсе яки горчица салып карагыз.
Баллы ризыклар – мәсәлән, кишер яки бал – тозны нейтральләштерә.
Бәрәңге – абсорбент продукт, ул артык тозны үзенә ала. Ризыкка бәрәңге салып торыгыз, аннары «тоз җыйган» бәрәңгене алып ташлагыз, диелә хәбәрдә.
