Перуда гигант зурлыктагы валуннар (тау токымы кисәге) берничә машинаны изеп бетергән һәм асфальта бик зур кратерлар китереп чыгарган.
Видеоны автомобильдәге регистратор төшереп алган. Ни гаҗәп, әмма машина йөртүчеләр исән калган. Тик машиналарындагы йөкләрне генә саклап та, коткарып та калып булмаган.
Бу хәл Сан-Матео төбәгендә булган. Таш коелганнан соң юлны 4 сәгать чистартканнар. Җирле хакимият белдерүенчә, көчле яңгырлар туфракны юганнан соң, таш коелган, дип хәбәр итә РБК.
