Пенза өлкәсендә дошманның пилотсыз очу аппаратлары Wildberries складына һөҗүм иткән. Бу хакта төбәк губернаторы Олег Мельниченкока сылтама белән «Татар-информ» яза.
«Дошман беспилотниклары Wildberries складына террорчылык һөҗүме ясады. Якынча мәгълүматлар буенча, бер кеше зыян күргән, 200ләп хезмәткәр эвакуацияләнгән», – дип язган ул MAX-каналында.
Һөҗүмнән соң складта янгын чыккан. Ашыгыч медицина ярдәме бригадалары, янгын сүндерүчеләр, Гадәттән тыш хәлләр министрлыгы көчләре һәм хокук саклау хезмәткәрләре килгән.