Һиндстандагы Ванарвади авылында басуга үлән чабарга чыккан 20 яшьлек кызга леопард һөҗүм иткән, кыз һәлак булган. Бу хакта «The Times of India» хәбәр итә, дип яза РЕН ТВ,
Төбәк урман идарәсе мәгълүматлары буенча, Паял Чаван исемле кыз үлән чапкан вакытта аның артыннан леопард ташлана. Ерткыч кызны берничә метр өстерәп алып китә. Кычкырган тавышлар ишетеп, кызның туганнары урамга йөгереп чыга һәм ерткычны куркыта, ул урманга кача.
Паялны хастаханәгә китерәләр, ләкин бик күп кан югалту аркасында ул үлә, диелә хәбәрдә.