Җәйге яллар сезоны башланыр алдыннан, Эчке эшләр министрлыгы авиабилетлар сата торган ялган сайтлар турында кисәтте. Мошенниклар мондый сервисларны нибары берничә сәгать эчендә ясый ала. Бу хакта «Комсомольская правда» сайты яза.
Алданган кешеләр билетның ялган икәнен аэропортта гына белә, диелә хәбәрдә. Ә мошенниклар сайтның адресын һәм бизәлешен үзгәртеп куя. Моның өчен күп вакыт кирәкми. 2025 елда мондый алдау ысулы бик популяр, дип кисәтәләр.
«Ялган шунда ук ачыкланмый. Бу – мошенникларга интернет-ресурсларын яңа урынга күчерергә һәм башка исем белән үзләренең җинаятьчел эшчәнлеген дәвам итәргә мөмкинлек бирә», – диелә.