Паркта 15 яшьлек кызны көчләгәннәр

Башкортстанның Сибай шәһәрендә паркта кыз балага һөҗүм иткән ир-атны эзлиләр. Бу турыда Башкортстан буенча Эчке эшләр министрлыгы матбугат хезмәте хәбәр итте.

Бу хәл 27 октябрьдә булган. Маяковский исемендәге паркта бер ир-ат 15 яшьлек кызга карата сексуаль характердагы көчләү гамәлләре кылган. Кыз үзенә һөҗүм итүләре турында әтисенә сөйләгән. Алар полициягә гариза язган

Башкортстан буенча Эчке эшләр министрлыгы хезмәткәрләре җинаятьчене эзли. Тикшерү комитеты җинаять эше ачкан.

Һөҗүм итүче ир-атка 40–45 яшь чамасы. Буе 170 см. Бераз чал кергән кыска чәчле.

Караңгы төстәге куртка, кара я зәңгәр джинс чалбар кигән.

Җинаять турында мәгълүматы булган кешеләрне 8 (34775) 5-45-02, 5-44-02 яки 02 телефонына шалтыратырга сорыйлар.