«Папины дочки» сериалы йолдызының баласы туган
Яшь әни үзенең инстаграм сәхифәсенә өчәү бергә төшкән фотоларын куйган.
Актриса Лиза Арзамасова әни булган. Ул «Папины дочки» сериалында Галина Сергеевна булып уйнаган иде. Актриса үзенең социаль челтәр битендә Илья һәм яңа туган балалары белән бергә төшкән фото урнаштырган. Фото астына: «Бәхет А һәм А», — дип язып куйган.
Комментарий язучылар яшь әнине котлап, гаилә бәхете теләп калганнар.
Йолдызлы гаилә булачак баласына нинди исем кушачакларын алдан әйтмәгән иде. Шулай да Илья Авербухның иптәше гаиләнең малай көтүе турында хәбәр иткән. Танылган фигуралы шуучы инде икенче тапкыр әти булган. Аның фигуралы шуучы Ирина Лобачевадан туган Мартин исемле 16 яшьлек улы бар. Ул әтисе белән яши.
Илья Авербух белән Лиза Арзамасованың яшь аермасы - 22 ел. Спортчы сөйләвенчә, ул хатынын ярата һәм бәхет өчен башка нәрсә кирәкми.