«Хозур дин турында» телеграм-каналында Пәйгамбәребез салләллаһу галәйһи вә сәлләм нинди киемнән йөрергә яратканы турында язалар.
Кайбер риваятьләр буенча, Расүлебез салләллаһу галәйһи вә сәлләмнең иң яраткан киеме озын җиңле күлмәк булган.
Әмма моның белән беррәттән, ул җөббә (халат), кафтан, фәрраҗ (арттан муен турысында ачык булган, кафтанга охшаган кием) дә кия торган булган.
Ышанычлы риваятьләрдә Расүлебезнең киң чалбарлар киеп йөргәне хакында әйтелә.
Аягына Расүлебез салләллаһу галәйһи вә сәлләм тире эшләнмәләреннән әзерләнгән, тубыкка хәтле булган аяк киеме кия иде.
Расүлебез салләллаһу галәйһи вә көмеш йөзек киеп йөргән. Әмма кайсы кулына кию турында төрле фикерләр бар.
Шулай ук Пәйгамбәребез салләллаһу галәйһи вә сәлләмнең киемнәре арасында яшел төстәге йон яки калын тукымадан әзерләнгән, кыска җиңле плащы булуы билгеле.
Расүлебезнең иң яраткан төсе ак булган. Ул: «Иң яхшы кием – ак төстәге кием. Ак кием киегез һәм мәетләрне ак кәфенлеккә төрегез», – дип әйтә торган булган.
Әбү Давыд 3878, Әт-Тирмизи,994.
