Расүлуллаһ салләллаһу галәйһи вә сәлләм хакында 15 фактны Тимергали хәзрәт Юлдашев телеграм-каналына язды.
- Пәйгамбәребез салләллаһу галәйһи вә сәлләмнең шәүләсе юк иде, чөнки ул башыннан аягына кадәр нурдан торды, ә нурның, яктылыкның күләгәсе булмый.
- Аның баш өстендә бер болыт тора иде, һәм Расүлуллаһ салләллаһу галәйһи вә сәлләм кая гына барса да, ул болыт аның артыннан йөрде.
- Ул алдында булган нәрсәләрне генә түгел, ә артында булганны да бик яхшы итеп күрә иде.
- Расүлуллаһның бер күз карашы Шәрыкны да, Көнбатышны да иңләргә сәләтле иде.
- Йоклаганда да ул уяу кеше кебек иде, аның йөрәге беркайчан да йокламый торган иде.
- Җәбраил галәйһиссәлам вәхи иңдерер өчен күкләрдән төшә башлау белән үк, Расүлебез салләллаһу галәйһи вә сәлләм аның исен тоя иде.
- Аның тешләренең балкышы төнлә юлны яктыртты. Һәм әгәр берәр нәрсә югалтсалар, шул нур ярдәмендә табалар иде.
- Пәйгамбәребез салләллаһу галәйһи вә сәлләмнең аркасында күгәрчен йомыркасы зурлыгындагы пәйгамбәрләр мөһере бар иде.
- Әгәр тирләсә, аннан хушбуй исе килер иде.
- Бер уч туфрак атып, ул 12 меңлек гаскәрнең котын алды, аларны куркуга салды.
- Расүлуллаһ айга бармагын төбәп күрсәткәннән, соң ай икегә бүленде һәм җиргә төшкәндәй булды, моннан соң ай аның пәйгамбәрлегенә шаһитлек китерде.
- Бервакыт Расүлуллаһ җиргә хөрмә агачын утыртты, һәм ул шунда ук җимеш бирде.
- Аның бармагыннан чишмәдән аккандай су агар иде.
- Расүлуллаһка чебен-черкиләр килеп кунмый торган иде.
- Кая гына барса да, ташлар һәм агачлар аңа сәлам бирер иде.