Озын буйлы кешеләрдә нинди яман шеш ихтималы зуррак була?
Әлегә белгечләр моның сәбәбен ачыкламаганнар.
Американың Джон Хопкинс университетының Медицина мәктәбе галимнәре 47 халыкара тикшеренү уздырган. Алар колоректаль (туры эчәк) яман шеш белән авыручы 280 мең ярым чамасы кешене, колоректаль аденома (яман шеш алды халәте) белән авыручы 14 меңнән артык кешене тикшергән.
Алар ачыклаганча, буе иң озын булган кешеләрдә колоректаль яман шеш ихтималы, буе иң кыска булган кешеләргә караганда, 24 процентка югарырак.
Һәр өстәмә 10 см саен яман шеш куркынычын 14 процентка, аденома куркынычын 6 процентка арттыра.
Әлегә моның биологик сәбәбе ачыкланмаган. Бәлки озын буйлы кешеләрнең эчке органнары зуррак, шул сәбәпле генетик мутацияләр ихтималы арта, дип фаразлыйлар. Бу турыда Майл.Здоровье хәбәр итте.