Җырчы Иркә Резедә Кадыйрованың «Бер түзәр әле җаным» җырын яңартып яздырган иде. Хәзер ул шушы җырга клип төшергән.
«Сезнең клиплар башка җырчыларныкыннан аерылып тора. Бик кызыклы, озаклап карыйсы килә. Иркә, рәхмәт! Күп еллар элек яратып тыңлаган җырга яңа гомер биргән өчен»;
«Ай-яй, нинди шәп, кызыклы килеп чыккан. Афәрин, булдырасыз! Алга таба да безне шундый матур клипларыгыз һәм җырларыгыз белән сөендереп торыгыз», – дип үсендергән җырчының иҗатын яратучылар һәм күпсанлы хуплаучы смайликлар тезгәннәр.
Җырның сүзләрен һәм көен Илдар Ногманов язган.
«Авторга, миңа кадәр бу җырны тамашачыга җиткергән Резедә апа Кадыйровага рәхмәт. Яңа сулыш биреп, сезгә тәкъдим итү теләген уңай кабул иткәнегез өчен, тамашачыма мең рәхмәт», – дип язган иде җырчы социаль челтәрдәге сәхифәсендә.