Озак вакыт хәбәргә чыкмаган көрәшче Сергей Павлик махсус хәрби операциядән кайткан

Үз теләге белән махсус хәрби операция зонасына киткән танылган көрәшче, авыр үлчәмдә көрәш буенча күп тапкыр дөнья чемпионы Сергей Павлик, 7 ай хәбәрсез булганнан соң, ниһаять, элемтәгә чыкты һәм спортка кире кайтырга ниятләвен белдерде. Бу хакта федерациянең матбугат хезмәте яза.

Сергей Павлик озак вакытлар элемтәгә чыкмагач, көрәш җанатарлары арасында, ул һәлак булган, дигән хәбәрләр дә таралган иде. Спортчы исән-сау, хәзерге вакытта ул Калуга өлкәсендә ялда. Россия Көрәш федерациясе вәкилләре аның белән элемтәгә кергән.

Көрәшче кичерешләре һәм планнары белән уртаклашкан.

Мин көрәшергә телим, 1 ел шөгыльләнмәсәм дә, үземне яхшы хис итәм. Минем хәтта шундый теләгем бар – Россия Кубогында көрәшеп карарга телим. Карарбыз, көрәш ничек барыр, – дип белдергән ул.

Спорт сөючеләр легендар көрәшчене 5-7 декабрьдә Казанда узачак көрәш буенча Россия Кубогында күрергә өметләнә.