«Отпетые мошенники» төркеменең солисты Вячеслав Зинуров вафат
Төркем «А у реки», «Люби меня, люби», «Девушки бывают разные» хитлары белән популярлык казанган иде.
«Отпетые мошенники» төркеменең элеккеге солисты Том Хаос (чын исеме — Вячеслав Зинуров) 50 яшендә вафат булган. Бу мәгълүматны 78.ru порталына мәрхүмнең концерт директоры Линар раслаган.
«Әйе, бу дөрес, Мәскәү өлкәсендә өендә үлде», — дигән ул.
Линар сүзләренчә, музыкантның туганнары үлем сәбәпләрен таратмауны сораган.
«Отпетые мошенники» төркеме 1996 елда төзелә. Анда Том Хаос, Сергей Аморалов һәм Гарик Богомазов була. Алар җиде пластинка чыгара. «А у реки», «Люби меня, люби», «Девушки бывают разные» хитлары белән таныш, дип хәбәр итә РЕН ТВ.
Былты Хаос финанс мәсьәләләре буенча килешмәү сәбәпле, төркемнән китә. Аның урынына Алексей Радченко килә, диелә хәбәрдә.