Остаз ярдәме, музейга бушлай йөрү һәм «Хезмәт ветераны» - Укытучыларга яңа гарантияләр

Россия Президенты Владимир Путин укытучылар өчен яңа гарантияләр каралган боерыкны имзалады..

Яңа гына эшкә урнашкан педагогларга кимендә бер ел дәвамында остаз (наставник) ярдәме гарантияләнәчәк. Моннан тыш, аларның һөнәри мәсьәләләр һәм хезмәт хокуклары буенча бушлай юридик ярдәм алу мөмкинлеге була.

25 елдан артык эш стажы булган педагогларга «Хезмәт ветераны» исеме биреләчәк. Эшләүче укытучылар дәүләтнең электрон белем бирү ресурсларыннан бушлай файдалана һәм музейларга бушай (айга бер тапкыр) йөри алачак.

Боерыкта, шулай ук, укытучы һөнәренең аерым статусы һәм җәмгыять өчен мөһимлеге дә билгеләнгән.