Татарстанның атказанган җырчысы Илсөя Бәдретдинованың «Ишет мине» җыры музыкаль мәйданчыкларга чыкты. Бу хакта «Менә ич яңа җыр! Тәмле булсын» дип, җырчы социаль челтәрдәге сәхифәсендә хәбәр итә.
«Ишет мине» җырының сүзләрен Айдар Минһаҗев язган, ә көен Айдар Тимербаев иҗат иткән.
Илсөяне виртуаль дуслары премьера белән котлаган. «Булачак хит» дип бәяләгән җырчының иҗатын яратучылар.
«Абау! Карашың өтеп ала», «Әллә миңа багышлап җырлый инде. Ишетүен ишетәм, үзең мине ишетәсең микән», – дип тә комментарий калдырганнар.
«Шулай карап «ишет мине» дисең. Бу – үтенеч түгел бугай, боерык. Өркетмә егетләрне», – дип язган популяр җырлар авторы Зифа Нагаева.