Терапевт, диетолог Маргарита Королева организмга су җитешмәвен күрсәтә торган билгеләрне әйткән. Бу турыда «Челнинские известия» яза.
Сыеклыкны җитәрлек күләмдә эчмәүче кешеләрнең тән тиресе, чәчләре, терсәк тиресе коры булырга мөмкин. Моннан тыш, кеше арый, хәлсез була, эшкә сәләте кими.
Табиб сүзләренчә, 1 көндә гәүдә авырлыгының һәр килограммына 30 мл күләмендә су эчәргә кирәк. Олы кеше өчен бу – 2-2,5 литр сыеклык.
Үзеңне күбрәк су эчәргә мәҗбүр итү өчен, эшли торган урында өстәлегезгә стакан белән су куегыз, диелә хәбәрдә.