Фаҗига 12 июльдә, 4:32 сәгать тирәсендә, «Казан – Оренбург» юлының 237нче километрында булган, дип яза Нокс-ТВ порталы.
Татарстан Дәүләт автоинспекциясендә хәбәр итүләренчә, 41 яшьлек «Kia» автомобиле йөртүчесе, беренчел мәгълүматлар буенча, «куркынычсыз тизлекне сайламаган, узып китү максаты белән каршы як полосага чыккан һәм «Iveco» йөк автомобиле белән бәрелешкән».
Автоһәлакәт нәтиҗәсендә 2001 һәм 1982 елларда туган, чит ил машинасы салонында булган ике Оренбург кешесе урында ук һәлак булган. Хәзер полиция хезмәткәрләре вакыйганың барлык нечкәлекләрен ачыклау белән шөгыльләнә.
