Оренбург татар театры Толстой әсәрләре буенча Бөтенроссия спектакльләр бәйгесендә җиңде

Мирхәйдәр Фәйзи исемендәге Оренбург дәүләт татар драма театры Лев Толстой әсәрләре буенча Бөтенроссия спектакльләр конкурсында җиңде. Бу турыда Бөтендөнья татар конгрессы хәбәр итте.

Конкурс беренче тапкыр оештырылды. Ул язучының 200 еллыгына багышланган, аны Россия Мәдәният министрлыгы һәм «Рус сезоннары» оешмасы оештырды. Барлык эшләр арасыннан 12 җиңүче сайлап алынган.

«Лев Николаевичның Оренбург хикәяләре» дип аталган спектакль фәлсәфи парча жанрында, ул Лев Толстойның «Ильяс», «Адәмгә күпме җир кирәк» һәм «Ике карт» әсәрләре мотивлары буенча иҗат ителгән.

Спектакльне сәхнәгә РДИСИ һәм ВГИКны тәмамлаган режиссер Ланбо Цзяо куячак. Ул моңа кадәр Мәскәү, Ярославль, Тула һәм Ростов-Дон театрлары белән хезмәттәшлек иткән.

Премьераны көз көне чыгарырга планлаштыралар. Спектакль күзләре начар күрүче балалар өчен тифлокомментарийлар белән барачак, диелә хәбәрдә.