Оренбург өлкәсендә Кушкүл авылы янында күпер җимерелеп төшкәндә кешеләр имгәнгән

2 декабрьдә кичке якта Оренбург өлкәсендә Кушкүл авылы янында автомобиль күпере җимерелеп төшкән. Шул чакта дүрт кеше имгәнгән. Аларның өчесен ашыгыч ярдәм белән алып киткәннәр. Бер кешенең башы, икенчесенең аягы, өченчесенең кулы имгәнгән.

Өлкә буенча Гадәттән тыш хәлләр министрлыгы мәгълүматы буенча, күперне төзәтү эшләре бара. Ике аралык ишелеп төшә. Бу турыда «Россия 24» хәбәр итте.

Әлеге күпер Загородное шоссесын Оренбургның Терешкова урамы белән тоташтыра. Ул Ленин исемендәге колхоз ягыннан килә. Күпер иске була. Ул чуерташ төялгән үзбушаткыч машина авырлыгына чыдый алмый. 200 квадрат метр күпер өслеге җимерелеп төшкән. Бәхеткә, һәлак булучылар юк.

Гадәттән тыш хәл вакытында эшчеләр күпернең баганаларын ныгытып маташа. Биредә 15 ноябрьдән бирле транспорт хәрәкәте туктатылган.

Бу урыннан кадрларны «Беренче канал» күрсәтте. Реконструкциягә ябылган күпер эстакадасы үзбушаткыч машиналар колоннасы узганда җимерелгән. Аларның берсенә тиешеннән артык күләмдә чуерташ төялгән булган, диелә бу хәбәрдә.