Онга аллергия була аламы?
Әлеге сорауга ресторатор Резеда Хөсәенова җавап бирә.
- Кызымны пешекче һөнәренә укытасым килә. Ләкин ул он янына якын да килә алмый, төчкерә һәм йөткерә башлый. Оннан аллергия була аламы? (Мөслимә Яхина, Казан)
- Әлбәттә, була ала. Без камыр ризыклары пешергәндә барыбыз сулыш юлына он керә. Бик күп танышларым арасында бронхиаль астма белән авыручылар бар. Алар әйтүенчә, барысы да он белән эшләүдән башланган. Кызыгызның бронхлары кысыла һәм һава үтмәү сәбәпле, тын алуы авырлаша һәм ул төчкерә, йөткерә торгандыр. Мондый вакытта пешекче булырга киңәш итмим, чөнки сәламәтлеккә начар йогынты ясарга мөмкин. Бүгенге көндә кадәр астма тулысынча дәвалап булмый торган чирләр исәбенә керә, шуңа күрә шаярырга ярамый. Дөньяда башка һөнәрләр дә бар бит...