Омск шәһәрендә Җиңүнең 30 еллыгы паркында Советлар Союзы Герое, татар шагыйре Муса Җәлилгә һәйкәл куячаклар. Кичә шәһәр советында бу фикерне депутатлар хуплады, дип хәбәр итә Бөтендөнья татар конгрессы.
Элегрәк бюстны Халыклар дуслыгы скверында урнаштырырга теләгәннәр иде. Шулай ук һәйкәл өчен урын буларак Герцен һәм Рабинович урамнары чаты һәм 4нче линия һәм Октябренең 10 еллыгы урамнары чаты каралган. Яңа урын буларак Җиңү паркы сайланды. Ул иң уңышлы вариант буларак кабул ителде, диелә хәбәрдә.