Йомырка тәбәсе – омлет пешергәндә кайбер хуҗабикәләр он кушып җибәрә. Имеш, шулай омлет тәмлерәк була, күпереп пешә. Омлет күпереп пешсен өчен берничә ысул киңәшләр сайтында чыкты.
Беренчесе – йомырка, сөт һәм тоз алыгыз. Он, крахмал, манный ярмасы һәм сода – омлетның тәмен генә үзгәртер.
Икенчесе – пропорция сакланырга тиеш. Уртача зурлыктагы бер йомыркага 30-50 мл дан артык сөт салмагыз. Тоз тәменчә кушыла, ләкин табиблар тозны артык кулланмаска киңәш итә. Күп итеп сөт салсаң, омлет таба төбенә утыра.
Өченчесе – омлет катнашмасын чәнечке яки махсус болгаткыч белән кулдан гына болгатыгыз, миксер кулланмагыз. Катнашма бердәй булсын, тик күбекләр барлыкка килмәсен.
Дүртенчесе – омлет пешерә торган форма биек булган саен омлет та күпереп пешәчәк. Плитә өстендә пешергәндә дә шушы кагыйдәне истә тотыгыз.
Бишенчесе – омлет өчен катнашманы 200 градуска кадәр җылытылган духовкага куярга кирәк.
Барысын да дөрес эшләсәгез, 20-30 минуттан ризык әзер була. Духовка ишеген вакытыннан алдан ачмагыз, диелә хәбәрдә.