«Әниләр» мәчете сәхифәсендә җомга көнне үткәрү тәртибен аңлаталар.
Җомга көнне иртән торып госел коену, чәчне һәм тырнакларны кисү (сакалны төзәтү), чиста кием кию – күркәм гамәлләрдән.
Җомгага каршы төндә һәм җомга көндез «Әл-Кәһф» сүрәсен укыйлар, күбрәк зикер әйтәләр, шулай ук Пәйгамбәребезгә салләллаһү галәйһи вә сәлләмгә салават әйтәләр (мисалы: Аллаһуммә салли галә Мөхәммәд вә гәлә әли Мөхәммәд).
Бу көнне садака өләшү, якыннарыңны куандыру, үзең өчен һәм кунакларга тәмле ризыклар пешерү, туганнарыңның, әти-әниеңнең, авыруларның хәлен белү, каберләрне зиярәт кылу да хуплана.
Җомга көне мөбарәк булсын! Кылган догалар, укылган намазалар, әйтелгән салаватлар вә зикерләр, бирелгән сәдакалар кабул булсын, диелә хәбәрдә.