Оливер Мукенди яңа туган баласының фотосын күрсәтте
Татарстанда яшәүче африкалы, татарча җырлап танылган Оливер Мукенди кызының беренче фотосын Инстаграм битендә урнаштырган. Ул аңа Шансельви дип исем кушканын да язган.
«Мин аның ни уйлаганын белмим, ләкин күңел сөенә һәм елый. Мөгаен, күңелгә телләр кирәк түгелдер, ул үзен чакырганны тоя. Минем шатлыгым, кечкенә пупсигым», — дип иркәләгән Шансельвины яшь әти.
«Оливер, синең күчермәң! Бәхетле бул, балакай», «Әти кызы, әнисе кебек назлы. Сәламәт һәм иң бәхетле бала булсын», «Сөбханалла», — дип котлаганнар Оливерны.
