Өлешчә мобилизация буенча җыеп алынганнарны ничек ашаталар?

Мобилизациягә эләккән Чаллы табибы, шәхси клиникалар челтәре җитәкчесе Николай Зотов социаль челтәрләрдә резервистларның көн рәвеше белән таныштырып бара. Алар әлегә Казан шәһәрендә. Табиб хәрби операциягә Чаллыдан иң беренче булып мобилизацияләнгәннәр арасында китте.  

Николай Зотов социаль челтәрләр алып баруын да дәвам итә. Ул сторисларында төш вакытында өлешчә мобилизациягә эләккән хәрбиләрне ничек ашатканнарын күрсәткән. Табибның өстәлендә салат, итле аш, кәтлит белән бәрәңге, ипи, май һәм сок күренә.

«Мин монда калам! Мине өйдә дә болай ашатмыйлар», – дип язып куйган ул фото астына.

Шулай ук табиб Зотов беренче мобилизацияләнгән төркемнең «оештыручы үзәк» булачагын әйткән. «Һәр кешегә, нәрсә эшли белүенә, тәҗрибәсенә карап, төрле вазифалар йөкләнде», – дип яза ул.