Хәрби публицист Владислав Шурыгин өйрәтелгән бөркетнең очып барган дронны тотып алуы төшерелгән видео урнаштырган. Шулай рәвешчә, ул Дәүләт Думасының Оборона Комитеты рәисенең беренче урынбасары Алексей Журавлевның Кремльгә беспилотниклар һөҗүме турындагы хәбәрләрдән соң дроннарны тоткарлаучы бөркетләр эскадрильясын оештыру тәкъдименә аңлатма бирде. Бу хакта «Московский комсомолец» сайты яза.
«Бөркетләрне өйрәтү тулы куәтенә бара», – дип язган Шурыгин «Телеграм» каналында.
Видеода күренгәнчә, кош очып барган дронга канатлары белән суга, ә дрон җиргә төшкәч, аның янәшәсенә төшеп куна.
«Инфраструктураның мөһим объектларын саклау турында, хәтта Кремльдә дроннарны тотып ала торган бөркетләр эскадрильясы булдыру турында уйларга кирәк», – дип әйткән иде Журавлев РИА Новостига биргән интервьюсында.