АКШта өйдә яши торган агулы кәлтә читлегеннән чыккан һәм хуҗасын чагып үтергән. Бу турыда РЕН ТВ яза.
34 яшьлек Кристофер өйдә 2 агулы кәлтә асрый. Бер көнне аның дус кызы күрше бүлмәдә сәер тавыш ишетеп ала. Ул бүлмәгә керә һәм Уинстон исемле кәлтәнең читлектән чыгуын күрә. Кәлтә Кристоферның кулын тешләгән. Ир-ат идәнгә егылган, ул бик каты коса, аннары сулыш ала алмый башлый.
Хатын-кыз тиз арада «ашыгыч ярдәм» чакыра. Кристоферны хастаханәгә алып китәләр. Табиблар 4 көн дәвамында аның гомере өчен көрәшә, ләкин пациентны коткара алмыйлар.
Кристоферның өенә хайваннарны контрольдә тоту хезмәте вәкилләре бара. Алар агулы кәлтәләрне кыргый хайваннарны реабилитацияләү үзәгенә алып китә. Өйдә 26 төрле үрмәкүч табалар.
Полициядә хәбәр иткәнчә, биредәге законнар буенча агулы кәлтәләрне өйдә асрау тыела, диелә.