Нижневартовск шәһәре янындагы Излучинск бистәсендә шәхси йортта янгын вакытында 16 яшьлек ике үсмер үлгән, тагын өч үсмер имгәнгән. Бу турыда Россия Тикшерү комитетының ХМАО-Югра буенча Тикшерү идарәсенең матбугат хезмәте хәбәр итте.
Фаҗига 3 апрельдә иртәнге ун тирәсендә була. Янгын алдыннан өйдә шартлау булуы билгеле.
"Саксызлык аркасында үтерү" маддәсе буенча җинаять эше ачылган, тикшерү бара.
Имгәнгән үсмерләр Нижневартовск клиник хастаханәсендә дәвалана, диелә "Комсомольская правда" хәбәрендә.