Татар халык ашларын 30 елдан артык пешерүче, 5нче разрядлы кондитер-технолог Зөлфия Идрисовадан өй токмачы рецептын тәкъдим итәбез.
Ингредиентлар: 2 йомырка, 200 грамм чамасы он, бер чеметем тоз. Барысын бергә кушып, камыр басарга.
Уртача тыгызлыкта камыр килеп чыга. Аны 10-15 минут «ял итәргә» калдырырга, кибеп китмәсен өчен полиэтилен пакетка салып куярга.
Камырны бик юка, үтә күренмәле итеп җәяргә.
Җәймәне 20-30 минут киптерергә, аннары кисәргә була.
Токмач берничә төрле ит салып кайнаткан шулпада тагын да тәмлерәк була.
Ашларыгыз тәмле булсын!