Мәскәүдә яшәүче 40 яшьлек ханым сөяркәсенең 42 яшьлек хатынын үтергән. Ул көндәшен пычак белән чәнчегән. Бу турыда «Вести» каналы Тикшерү комитетына сылтама белән хәбәр итте.
16 июньдә төн уртасы тирәсендә 45 яшьлек ир-ат яши торган йорт подъезды янында ир-атның хатыны белән сөяркәсе очраша. Алар талаша башлыйлар, аннары сугыш килеп чыга.
«Минем рюкзагынмда пычак бар иде. Мин башта аңа каршы тордым, китүен теләдем, берничә тапкыр аның күкрәгенә һәм битенә суктым», – ди җинаятьтә шикләнелүче 40 яшьлек хатын.
Аның 42 яшьлек көндәше кан югалтудан һәлак була, табиблар килгәнче үлгән була инде.
Сөяркә хатын исә күрше йортта гына яши, ул фатирына кайтып, канлы әйберләрен чистартырга өлгерә. Аннары аны тоткарлыйлар.
Сорау алганда бу хатын гаебен танып күрсәтмә бирә, диелә хәбәрдә.