Бакча сезоны башлангач, фатир басу очраклары арта. Хуҗалар өйдә озак булмый торганда әзерләнә торган җинаять билгеләре турында адвокат Анатолий Миронов «Прайм» агентлыгына сөйләгән.
Эксперт сүзләренчә, җинаятьчеләр фатир басканчы башта әзерләнә. Алар фатирны күзәтеп йөри, анда яшәүче кешеләрне караштыра.
«Фатирдан чыккан чакта моңарчы очрашмаган чит кешеләрне күрсәгез, уяу булыгыз», – ди юрист.
Милегегез, берәр кая җыенуыгыз турында артык сөйләнеп йөрмәгез. Ялга баруыгызны бөтен кешегә әйтмәгез.
Керә торган ишектә төрле тамгалар барлыкка килсә, почта тартмасына нидер билгеләп куйсалар, йозак белән проблемалар чыкса, ишеккә билгесез кешеләр шалтыратып китсә, домофонга дәшеп борчысалар – болар барысы да куркыныч турында хәбәр итәргә мөмкин, диелә.