Одесса кунакханәсендәге төнге янгында 8 кеше үлгән
Одесса кунакханәсендәге төнге янгында 8 кеше үлгән
Одессаның "Токио Стар" кунакханәсендә янгын чыккан. 8 кешенең мәете табылган. 10 кеше чыгып өлгергән.
Янгын шимбә төнлә башлана. Кунакханәдә 200 кеше була, аларның күбесе чыгып өлгерә. Ун кешене янгын сүндерүчеләр эвакуацияли.
"Токио Стар" элекке трамвай депосы бинасында урнашкан. Ул иң арзанлы кунакханәләрнең берсе булган - бер көн куну 350 гривня (918 сум). "Бу фахишәләр җыелып ята торган куркыныч урын. Аны әллә кайчан ябарга кирәк иде", - дип яза Одесса кешеләре. Кунакханәдә янгын вакытында булган бер ир исә, бик эмоциональ итеп "Бигрәк шәп ял иттек!" - дип язган.
