«Өченче бала каян килер иде?» – Рөстәм Нәбиев язылучысының шикләнүенә җавап биргән
Шушы көннәрдә генә күп балалы гаилә башлыгы булган Уфа блогеры язылучыларының сорауларына җавап биргән. Аңа, «партнер белән бала табу»да (партнерские роды) катнашкан ир-атларда тормыш иптәшенә карата кызыксыну бетә, дип язганнар.
«Хатының бала тапканда янында булганнан соң, үз хатыныңа ничек кызыксыну бетәргә мөмкин инде? Бу сафсатаны кем уйлап тапкан? Каян чыгып шулай уйлыйсыз? Мин моңа ышанудан баш тартам, чөнки 2 тапкыр хатын бала тапканда янәшәсендә булдым. Әмма минем беренчесеннән һәм икенчесеннән соң да үз хатыныма карата кызыксыну юкка чыкмады. Ә, киресенчә, 100 мең тапкыр артты! Әгәр ул юкка чыкса, өченче бала каян барлыкка килер иде?» – дип язган блогер, хатыны белән төшкән видеоны куеп.
