Петропавловск-Камчатскида прокуратура 3 яшүсмернең машина урлау факты буенча тикшерү оештырган. Үсмерләр урланган машина белән юл кырыена төшеп киткән һәм төрле җәрәхәтләр алган. Бу хакта «ВЕСТИ.ру» хәбәр итә.
Төбәк прокуратурасының якынча мәгълүматлары буенча, әлеге вакыйга 12 августка каршы төндә булган. 13, 14 һәм 15 яшьлек өч үсмер Красная сопка урамында бикләнмәгән автомобильне урлаган. Сахалин урамы буйлап барганда, автомобиль белән идарә иткән үсмер идарәне югалткан, һәм машина юл кырыеннан чокырга төшеп киткән.
«Транспорт әйләнеп капланган, үсмерләрнең барысы да сыну, бәрелү җәрәхәтләре алган», – диләр күзәтчелек ведомствосында.
Хәзерге вакытта прокуратура хезмәткәрләре вакыйганың сәбәпләрен ачыклый, диелә хәбәрдә.
