Өч көн калды: Винарис Ильегет белән Лилия Хәмитова туен кем алып барачагы билгеле
Бу көннәрдә Винарис Ильегет белән Лилия Хәмитова туй мәшәкатьләренә чумган. Туй көненә 3 тәүлек калды. Кичә алар мәхәббәт тарихлары турында видео төшергән. Аны туй кунакларына күрсәтәчәкләр. Бу турыда «Интертат» хәбәрчесенә мәҗлесләр алып баручы Ильмир Ямалов сөйләде.
«Винарис – Лилия туен мин һәм Ләйсән Ветрова алып барачакбыз. 13 августта – якшәмбе көнне туйлары булачак. Парның мәхәббәт тарихы видеосының сценариен Эльвира Хамматова язды», – дип сөйләде безгә Ильмир.
