Грециядә яшәгән хатын кома хәлендә булган 3 яшьлек кызын суда батырган. Алар әлеге илдә рөхсәтсез яшәгән. Бу хакта РЕН ТВ яза.
Әлеге хәл 27 июльдә Палео Фалиро пляжында була. Хатын-кыз кызын коляскада йөртә, ә бераздан буш коляскасын калдырып, баласыннан башка гына кайта. Соңыннан кызның мәетен яр буенда табалар.
Судмедэкспертлар баланың авыр метаболик авырудан интегүен ачыклаган. Табиблар, үлемнең төп сәбәбе итеп, аның суда батуын теркәгән: кызның үпкәсендә диңгез суы һәм ком табылган. Тәнендә шулай ук ул исән вакытта башында һәм тезендә барлыкка килгән җәрәхәтләр дә булган.
Полиция мәгълүматлары буенча, баланың анасы – 3 баласы белән илдә легаль булмаган рәвештә яшәүче Алжир хатыны. Аны 1 августта тоткарлаганнар.
Тикшерү, әлеге хатын авыру кызыннан махсус котылырга теләгән, дип саный. Ул үзе моны «бәхетсезлек очрагы» дип ышандырырга тырыша, диелә хәбәрдә.
