Оборона министрлыгы белән контракт төзүчеләрнең 10 млн сумга кадәр кредитлары бетерелә

Быелның 1 маеннан Оборона министрлыгы белән контракт төзегән кешеләрнең 10 миллион сумга кадәр кредитларын исәптән чыгарачаклар, контракт вакыты кимендә 1 ел булырга тиеш. Бу законны Дәүләт Думасы кабул иткән инде, 2024 елның 1 декабренә кадәр түләттерү турында суд карары үз көченә кергән яки башкарма кәгазь тапшырылган бурычлар турында сүз бара. Бурычларны исәптән чыгару турында закон контракт төзүчеләрнең тормыш иптәшләренә карата да гамәлдә була.

Искәртеп үтик, хезмәтнең беренче елында нәтиҗәле хезмәт өчен хәрби 20 млн сумга кадәр алырга мөмкин. Моңа Россия Оборона министрлыгы белән контракт төзегән өчен бер мәртәбә түләнә торган 2,9 млн сум, ай саен түләнә торган 210 000 сум оклад, дошман техникасын юк иткән өчен, актив һөҗүм һәм башкалар өчен түләүләр керә.

1 гыйнвардан Татарстанда Оборона министрлыгы белән контракт төзергә теләүче гражданнар өчен түләүләрне 2,9 млн сумга кадәр күтәрделәр – бу илдәге иң зур түләүләрнең берсе, ә Идел буе федераль округында иң югары түләү. Моннан тыш, нәкъ менә Татарстанда бүген махсус операция катнашучыларына һәм аларның гаиләләренә ярдәм итүгә юнәлтелгән өч меңнән артык муниципаль акт кабул ителгән.

Татарстанда Беспилотниклар гаскәрләрендә хезмәт итү өчен контракт төзергә теләүчеләр өчен аерым кайнар элемтә эшли, аңа 117 номерына шалтыратып һәм «4» саны төймәсенә басып эләгергә мөмкин. Әгәр кандидат Беспилотниклар гаскәрләре системасына контракт төзү өчен якынча параметрлар буенча туры килә икән, аның контакт мәгълүматларын сайлап алу пункты белгеченә юллыйлар.

Яңа гаскәр хәрбиләре оча, йөзә һәм җир буйлап пилотсыз хәрәкәт итә торган бөтен нәрсә белән идарә итәчәк. Бу атаклы «Герани» да, «Странник» чылбырлы дроннары да, экипажсыз катерлар да. Контрактның минималь вакыты – бер ел. Пилотсыз системалар гаскәрләрендә хезмәт итүнең төп үзенчәлекләренең берсе – контракт кимендә бер елга имзалана һәм автомат рәвештә озайтылмый. Моннан тыш, хәрби хезмәткәрне башка гаскәрләргә күчермәячәкләр, укулар Татарстан белән күрше төбәкләрдә кимендә ике ай узачак.

Компьютер уеннарын яратучыларның пилотсыз системалар гаскәрләренә эләгү ихтималы күбрәк, чөнки аларның кулларының вак моторикасы үсеш алган, ә геймерлар өчен гадәти интерфейс өйрәнүне тизләтә.

Пилотсыз системалар гаскәрләренә кемне алачаклары һәм укыту һәм хезмәт ничек узачагы турында тулырак сылтама буенча укыгыз.

Татарстанда Россия Оборона министрлыгы белән килешү төзү турында тулырак 8 800 222 59 00 номеры яки кол-үзәкнең 117 төбәкара номеры буенча белергә мөмкин.

Чыганак: «Татар-информ», Дмитрий Шатров