Әнвәр Нургалиев: «Яшик әле! Яманларга без кайчан да өлгерербез»
Җырчы инстаграм битендә Роберт Миңнуллинның шигырен урнаштырган.
«Хәерле иртә, дусларым!
Өлгерербез!
Кырын-кырын карыйбыз без
Күптән узган заманнарга.
Ни өчендер яратабыз
Узганнарны яманларга.
Яманлыйбыз үзебезнең
Җанга якын үткәннәрне.
Димәк ки, яшь чагыбызны,
Кочканнарны-үпкәннәрне.
Нинди генә булса да ул
Үзебезнең гомеребез.
Яшик әле!
Яманларга
Без кайчан да өлгерербез.
4.11.03 Р.Миңнуллин», — дип язган ул.
Инстачылар да әлеге шигырьне бик рәхәтләнеп укыганнар, җырчыга изге теләкләрен җиткергәннәр.
«Әнвәр, хәерле иртәләр! Күрәсезме, сезнең хәлегез белән күпме кеше кызыксына, күпме кеше сезне ярата. Күтәренке кәефләр телим сезгә. Безне сихри тавышыгыз, матур җырларыгыз белән шатландырып торсагыз иде», «Әнвәр туганым, сезне имин күрүгә бик шатбыз. Дөрес, матур сүзләр. Берүк чирләмәгез, барыбыз да таза булыйк. Үткән гомерләрне искә алырга гына калды», «Робер Миңннуллин шигырьләрен яратам», — дип яза алар.
