Әнвәр Нургалиев Илсөя белән дуэт җырларга тели
Җырчы Әнвәр Нургалиев дуэт җырларга кызыга икән. Бу хакта ул безгә үзе әйтте.
“Үзем бер тапкыр да дуэт җырлап карамагангамы, дуэтларга мөкиббән мин. Татар эстрадасында Алсу һәм Азат Фазлыевлар, Зинира һәм Ризат Рамазановлар, Эльмира Гыйлфанова белән Рафил Җәләлиевлар иҗатын яратам. Ә үзем Илсөя Бәдретдинова белән дуэт җырлар идем. Ул миңа кеше буларак бик ошый, ничектер якын ул, хөрмәт итәм аны. Минемчә, Илсөя белән дуэт җырласак, бик матур килеп чыгар иде”, - дип сөйләде Әнвәр Нургалиев Интертатка.
