Новочеркасск шәһәрендә дүрт катлы йорт ишелгән

Ростов өлкәсе Новочеркасск шәһәрендә, Буденновский урамындагы 4 катлы йорт ишелгән. Бу хакта "Дондэй. Новочеркасск" төркемендә хәбәр итәләр.

Бинада Сбербанк, офислар һәм боулинг булган.

Боулинг-клубтагы кешеләр сәер тавышлар ишеткән һәм селкенү тойган һәм урамга йөгерешеп чыккан. Бинада балалар да булган, әти-әниләр аларны урамга алып чыккан.

Бинада кешеләр булганмы-юкмы икәнлеге билгеле түгел, әмма шаһитлар офистагы тәрәзәләрдә утлар яна иде дигән. Вакыйга булган урынга коткаручылар һәм полиция килгән.

Бина элекке "Магнит" заводының идарә йорты. Аны күңел ачу һәм офис үзәге итеп үзгәрткәннәр. Беренче катында Сбербанк һәм боулинг булган.

Комментарийлар (0)